Հեղինակ՝ Սինձիե

Հիմա արդեն վերջին օրերի ավարտն է, և հաճախակի տարբեր աղետներ են տեղի ունենում։ Ի հայտ են եկել աստվածաշնչյան մարգարեություններում նշված վերջին օրերի որոշ խոշոր իրադարձություններ։ Հայտնություն 22․12-ի մարգարեությունն ասում է․ «Ահա շուտով պիտի գամ»։ Տիրոջ այս խոստման պատճառով փափագել ու սպասել ենք Տիրոջ երկրորդ գալստյանը։ Ուստի, արդյո՞ք Տերը վերադարձել է։ Այս հարցը հասկանալը շատ կարևոր է բոլոր քրիստոնյաների համար, և այն անմիջականորեն վերաբերում է այն մեծ հարցին, թե արդյոք կկարողանա՞նք դիմավորել Տիրոջն ու հափշտակվել երկնքի թագավորություն։ Իրականում Տեր Հիսուսն արդեն տվել է մեզ պատասխանն աստվածաշնչյան մարգարեությունների միջոցով։ Ուրեմն, որո՞նք են Աստվածաշնչում մարգարեացված վերջին օրերի գլխավոր իրադարձությունները։ Եկե՛ք տեսնենք։

Տեր Հիսուսի երկրորդ գալստյան նշանները (1) աղետների ի հայտ գալը, ինչպիսիք են երկրաշարժերը, սովն ու պատերազմները

Մատթեոս 24․6–8-ն ասում է․ «Լսելու եք պատերազմների ձայներ ու պատերազմների լուրեր։ Զգո՛ւյշ եղեք, չխռովվեք, որովհետև այդ ամենը պետք է լինի, բայց դա դեռ աշխարհի վախճանը չէ։ Ազգը ազգի դեմ է ելնելու, թագավորությունը՝ թագավորության դեմ. լինելու են սով, համաճարակ, երկրաշարժներ տարբեր տեղերում։ Բայց այս ամենը սկիզբն է երկունքի»։ Վերջին տարիներին հաճախակի են բռնկվել պատերազմներ, ինչպես, օրինակ, 2021 թվականին Մյանմարի քաղաքացիական պատերազմը և 2022 թվականին ռուս-ուկրաինական պատերազմը, որոնք հնարավոր է սրվեն և հանգեցնեն գլոբալ անկայունության։ 2023 թվականին իսրայելա-պաղեստինյան հակամարտությունն էլ ավելի սրեց իրավիճակը Մերձավոր Արևելքում։ Ցանկը շարունակվում է։ Բացի այդ, գլոբալ համաճարակները շարունակում են քաոս առաջացնել, իսկ բնական աղետները, ինչպիսիք են երկրաշարժերը, հրդեհները, ջրհեղեղներն ու հրաբխային ժայթքումները, տեղի են ունենում մեկը մյուսի հետևից։ 2023 թվականի փետրվարին 7,8 մագնիտուդ ուժգնությամբ երկրաշարժ հարվածեց Թուրքիային և Սիրիային։ 2024 թվականի ապրիլին 7,2 մագնիտուդ ուժգնությամբ երկրաշարժ տեղի ունեցավ Թայվանի Հուալիեն քաղաքում, իսկ նույն տարվա ընթացքում Ճապոնիայում գրանցվեց 155 երկրաշարժ, որոնցից ամենաուժեղը հասավ 7,6 մագնիտուդի։ Ավելին, կլիմայի փոփոխությունը հանգեցրել է էքստրեմալ եղանակային երևույթների ավելի հաճախակի դրսևորումների։ Օրինակ՝ 2023 թվականի հուլիսին հորդառատ անձրևները հարվածեցին Հնդկաստանին՝ առաջացնելով մեծամասշտաբ ջրհեղեղներ և ավերածություններ։ 2024 թվականին Բրազիլիայում վերջին 83 տարվա ամենածանր ջրհեղեղը տեղի ունեցավ։ 2022 թվականի հունվարին Տոնգայում ստորջրյա հրաբխի հզոր ժայթքումն ավերիչ ցունամի առաջացրեց։ Բացի դրանից, 2023 թվականի փետրվարից մարտ ընկած ժամանակահատվածում Ֆրեդի արևադարձային ցիկլոնը հարվածեց Մադագասկարին, Մալավիին և Մոզամբիկին՝ դառնալով պատմության մեջ գրանցված ամենաերկարատև արևադարձային ցիկլոններից մեկը։ Ավելին, գիտնականները նախազգուշացրել են, որ Երկրագնդի ամենամեծ «ժամացույցային մեխանիզմով ռումբը»՝ Ելոուսթոունի սուպերհրաբուխը, կարող է ժայթքել ցանկացած պահի, և հետևանքներն աներևակայելի կլինեն։ Ցանկը շարունակվում է։ Այս նշաններից կարելի է տեսնել, որ Աստվածաշնչի այս մարգարեությունն իրականացել է։

Տեր Հիսուսի երկրորդ գալստյան նշանները (2)՝ երկնային անոմալիաների ի հայտ գալը

Հայտնություն 6․12-ն ասում է․ «Եվ տեսա, որ երբ բացեց վեցերորդ կնիքը, մեծ երկրաշարժ եղավ, արեգակը դարձավ այծի մազից հյուսված կարպետի պես սև, իսկ լուսինն ամբողջովին արյան պես դարձավ»։ Հովել 2․30–31-ն ասում է․ «Նշաններ ցույց կտամ վերևում՝ երկնքում, և նշաններ ներքևում՝ երկրի վրա. արյուն, հուր և ծխե մրրիկ։ Եհովայի մեծ և ահռելի օրվա գալուստից առաջ արևը խավար կդառնա, իսկ լուսինը՝ արյուն»։ Վերջին տարիներին բազմաթիվ երկնային երևույթներ են գրանցվել, որոնց ընթացքում լուսինն արնագույն կարմիր է դարձել։ Օրինակ՝ 2014 և 2015 թվականների երկամյա ժամանակահատվածում չորս հաջորդական «արյունոտ լուսիններ» եղան, իսկ 2018 թվականի հունվարի 31-ին դիտվեց «գերկապույտ արյունոտ լուսին», որն ի հայտ է եկել միայն մեկ անգամ ավելի քան 150 տարվա ընթացքում ։ Այնուհետև 2019 թվականի հունվարին հայտնվեց «գերարյունոտ գայլի լուսինը»։ 2021 թվականի մայիսի 26-ին տեղի ունեցավ «գերարյունոտ լուսին», իսկ 2022 թվականի նոյեմբերի 8-ին մեկ այլ արյունոտ լուսին հայտնվեց։ Արևի սևանալու մարգարեացված երևույթը (լրիվ արեգակնային խավարումները) նույնպես հաճախակի է ի հայտ գալիս։ Օրինակներից են՝ արևի խավարումը Սինգապուրում 2019 թվականի դեկտեմբերի 26-ին, ևս մեկ խավարում Չիլիում նույն տարվա հուլիսի 2-ին, արևի հազվագյուտ լրիվ խավարումը Հարավային Ամերիկայում 2020 թվականի դեկտեմբերի 14-ին, հազվագյուտ հիբրիդային խավարումը 2023 թվականի ապրիլի 20-ին և արևի լրիվ խավարումը ԱՄՆ-ում 2024 թվականի ապրիլի 8-ին։ Աստվածաշնչի այս մարգարեության իրականացումն ակնհայտ է այս երևույթներում։

Տեր Հիսուսի երկրորդ գալստյան նշանները (3)՝ եկեղեցիներն ամայի են, իսկ հավատացյալների սերը՝ սառը

Մատթեոս 24․12-ն ասում է․ «Անօրինության բազմանալու հետևանքով շատերի սերն է ցամաքելու»։ Ամայությունն այժմ լայն տարածում ունի ամբողջ կրոնական աշխարհում։ Պաստորների և երեցների քարոզները դարձել են հոգնեցուցիչ ու ծեծված և չեն կարողանում հոգ տանել հավատացյալների մասին։ Կարգավիճակի համար իրենց պայքարում որոշ պաստորներ եկեղեցիներում խմբակներ ու խմբավորումներ են ստեղծում, իսկ ոմանք անգամ բիզնեսի են սկսել՝ գործարաններ հիմնելով և առաջնորդելով հավատացյալներին աշխարհիկ ուղով։ Միևնույն ժամանակ հավատացյալների շրջանում նկատվում է հավատքի ընդհանուր թուլություն ու աշխարհիկ բաների հանդեպ տենչ, և նրանք ապրում են աշխարհիկ հոգնեցուցիչ խճճվածության մեջ։ Որոշ եկեղեցիներ դրսից թվում են մարդաշատ ու աշխույժ, բայց շատերը եկեղեցի են գալիս զուտ իրենց ցանցը ընդլայնելու և ապրանքներ վաճառելու նպատակով՝ եկեղեցին օգտագործելով որպես առևտրի վայր։ Ո՞րն է այսօրվա եկեղեցու և Օրենքի դարաշրջանի ավարտի տաճարի տարբերությունը։ Այս ամենում ակնհայտ է Տիրոջ վերադարձի վերաբերյալ այս մարգարեության լիակատար իրականացումը։

Տեր Հիսուսի երկրորդ գալստյան նշանները (4)՝ Կեղծ քրիստոսների ի հայտ գալը

Մատթեոս 24․4–5-ն ասում է․ «Հիսուսը պատասխանեց և ասաց նրանց. «Զգո՛ւյշ եղեք, չլինի թե մեկը ձեզ խաբի, որովհետև շատերը կգան իմ անունով և կասեն. “Ես եմ Քրիստոսը”, և շատերին կմոլորեցնեն»»։ Տիրոջ մարգարեությունից կարող ենք տեսնել, որ երբ Տերը վերադառնա, ի հայտ կգան կեղծ քրիստոսներ ու կմոլորեցնեն մարդկանց։ Վերջին տարիներին կեղծ քրիստոսներ են հայտնվել և մոլորեցրել մարդկանց այնպիսի երկրներում, ինչպիսիք են Չինաստանը, Հարավային Կորեան և Ճապոնիան։ Այս կեղծ քրիստոսները չունեն Քրիստոսի էությունը, ոչ էլ կարող են արտահայտել ճշմարտությունը, սակայն իրենց քրիստոս են հռչակում և մոլորեցնում մարդկանց՝ նմանակելով Տեր Հիսուսին ու որոշ հրաշքներ գործելով։ Այստեղ ակնհայտ է այս մարգարեության իրականացումը։

Տեր Հիսուսի երկրորդ գալստյան նշանները (5)՝ Իսրայելի վերականգնումը

Մատթեոս 24․32–33-ն ասում է․ «Թզենո՛ւց դաս առեք, որովհետև երբ նրա ճյուղերը փափկում են և տերև են արձակում, իմանում ենք, որ ամառը մոտ է։ Նույնպես և դուք, երբ այս ամենը տեսնեք, իմացե՛ք, որ Մարդու Որդին դռների մոտ է»։ Տիրոջը հավատացող շատերը գիտեն, որ թզենու նուրբ ճյուղեր ու տերևներ արձակելը վերաբերում է Իսրայելի վերականգնմանը։ Երբ Իսրայելը վերականգնվում է, Տիրոջ օրը մոտ է, իսկ Իսրայելը վերականգնվեց 1948 թվականի մայիսի 14-ին։ Ակնհայտ է, որ Տիրոջ վերադարձի վերաբերյալ այս մարգարեությունը լիովին իրականացել է։

Տեր Հիսուսի երկրորդ գալստյան նշանները (6)՝ Ավետարանի տարածումը մինչև երկրի ծայրերը

Մատթեոս 24․14-ն արձանագրում է․ «Արքայության Ավետարանն է քարոզվելու ամբողջ աշխարհով մեկ՝ իբրև վկայություն բոլոր հեթանոսների, ապա գալու է աշխարհի վախճանը»։ Մարկոս 16․15-ում Տեր Հիսուսն Իր հարությունից հետո ասաց Իր աշակերտներին․ «Գնացե՛ք ամբողջ աշխարհով մեկ և բոլոր արարածներին քարոզե՛ք Ավետարանը»։ Հիսուսի հարություն առնելուց և երկինք համբարձվելուց հետո Սուրբ Հոգին սկսեց առաջնորդել Տեր Հիսուսին հետևողներին՝ վկայելու Տեր Հիսուսի մասին։ Այսօր՝ վերջին օրերում, քրիստոնյաները վաղուց ի վեր տարածվել են ամբողջ աշխարհում, և շատ ժողովրդավարական երկրներ ընդունել են քրիստոնեությունը՝ որպես իրենց պետական կրոն։ Անգամ Չինաստանում, որտեղ իշխող կուսակցությունն աթեիստական է, տասնյակ միլիոնավոր մարդիկ ընդունել են Տեր Հիսուսի ավետարանը, ուստի կարելի է տեսնել, որ Տեր Հիսուսի՝ մարդկության փրկագնման ավետարանը տարածվել է ամբողջ աշխարհով մեկ։ Սրանում ակնհայտ է, որ Տիրոջ վերադարձի մարգարեությունն իրականացել է։

Ինչպե՞ս պետք է դիմավորենք Տիրոջ վերադարձը

Վերը թվարկված փաստերից կարող ենք տեսնել, որ Տիրոջ վերադարձի վեց գլխավոր նշաններն արդեն ի հայտ են եկել։ Հիմա Տիրոջ գալուստը դիմավորելու վճռորոշ պահն է։ Ի՞նչ պետք է անենք նախքան կկարողանանք դիմավորել Տիրոջ վերադարձը։ Տեր Հիսուսը դեռ վաղուց է տվել մեզ այս հարցի պատասխանը։

Հովհաննես 16․12–13-ում Տեր Հիսուսն ասել է․ «Դեռ շատ բաներ ունեմ ձեզ ասելու, բայց այժմ չեք կարող տանել։ Բայց երբ գա նա՝ Ճշմարտության Հոգին, ամենայն ճշմարտությամբ կառաջնորդի ձեզ, որովհետև ոչ թե ինքն իրենից կխոսի, այլ ինչ լսի, այն էլ պիտի խոսի, և գալիք բաների մասին կպատմի ձեզ»։ Հայտնություն 3․20-ն ասում է․ «Ահավասիկ ես դռան առաջ եմ և բախում եմ. եթե մեկը ականջ դնի իմ ձայնին և բացի դուռը, կմտնեմ նրա մոտ և կընթրեմ նրա հետ, նա էլ՝ ինձ հետ»։ Հայտնության 2-րդ և 3-րդ գլուխների բազմաթիվ տեղերում նաև մարգարեացված է․ «Ով ականջ ունի լսելու, թող լսի, ինչ որ Հոգին ասում է եկեղեցիներին»։ Ինչպես կարող եք տեսնել այս համարներից, երբ Տերը վերադառնա, Նա կխոսի եկեղեցիների հետ՝ ասելով մեզ բոլոր այն ճշմարտությունները, որոնք նախկինում չէինք հասկանում։ Նրանք, ովքեր լսելով Աստծու խոսքերը և ճանաչելով Նրա ձայնը, ընդունում ու հնազանդվում են Նրան, կկարողանան դիմավորել Տիրոջը և մասնակցել Գառան խնջույքին, իսկ նրանք, ովքեր չեն ճանաչում Աստծու ձայնը, վստահաբար Աստծու ոչխարները չեն, և կբացահայտվեն ու դուրս կթողնվեն Աստծու կողմից։ Այսպիսով, Տիրոջ գալուստը դիմավորելու բանալին եկեղեցիներին ուղղված Սուրբ Հոգու խոսքերը գտնելն ու Աստծու ձայնը լսել սովորելն է։ Ինչպես Ամենակարող Աստված ասում է․ «Քանի որ որոնում ենք Աստծու հետքերը, մեզ հարկավոր է որոնել Աստծու մտադրությունները, Աստծու խոսքերը, Նրա արտահայտումները։ Քանզի որտեղ հնչում են Աստծու նոր խոսքերը, այնտեղ է Աստծու ձայնը, և որտեղ Աստծու հետքերն են, այնտեղ՝ Աստծու գործերը․ որտեղ կա Աստծու արտահայտությունը, այնտեղ է Աստված հայտնվում, և որտեղ Աստված է հայտնվում, այնտեղ են ճշմարտությունը, ճանապարհը և կյանքը» (Խոսքը, հ․ 1, Աստծու հայտնվելը և գործը։ Հավելված 1․ Աստծու հայտնվելն ազդարարել է նոր դարաշրջանի սկիզբը)։

Այս պահին ոմանք գուցե հարցնեն․ «Ուրեմն, ո՞ւր գնանք Աստծու ձայնը գտնելու համար»։ Մատթեոս 25․6-ում Տեր Հիսուսն ասաց՝ «Կեսգիշերին մի ձայն լսվեց․ “Ահա փեսան գալիս է, վե՛ր կացեք նրան ընդառաջ”»։ Քանի որ Տերն Իր ոչխարներին կանչում է Իր արտահայտումներով ու խոսքերով, վստահաբար կլինեն մարդիկ, ովքեր առաջինը կլսեն Տիրոջ ձայնը և կհետևեն Գառան հետքերին, իսկ հետո ամենուր կբացականչեն․ «Ահա փեսան գալիս է», ինչը նշանակում է տարածել Տիրոջ վերադարձի լուրը և վերադարձած Տիրոջ խոսքերը, որպեսզի բոլորը հնարավորություն ունենան լսելու Աստծու ձայնը։ Հետևաբար ասվում է, որ այն, թե արդյոք կարող ենք քայլել Գառան հետքերով, կախված է նրանից, թե արդյոք ունենք սրտեր, որոնք փափագում են փնտրել Նրան, և արդյոք կարող ենք ճանաչել Աստծու ձայնը․ Ճիշտ ինչպես այն ժամանակ, երբ Տեր Հիսուսը հայտնվեց և սկսեց գործել, Պետրոսը, Մարիամն ու մյուսները Նրա գործից և խոսքերից ճանաչեցին Նրան՝ որպես Մեսիա, հետևեցին Նրան ու սկսեցին վկայել Նրա ավետարանի մասին։ Նրանք, ովքեր լսեցին Տեր Հիսուսի գործն ու խոսքերը և կարողացան ճանաչել Աստծու ձայնը, իմաստուն կույսերն էին, մինչդեռ ճշմարտությունը չսիրող այն քահանայապետները, դպիրներն ու փարիսեցիները լսեցին Տեր Հիսուսի խոսքերի իշխանությունն ու զորությունը, սակայն չքննեցին դրանք։ Փոխարենը համառորեն կառչեցին իրենց պատկերացումներից ու երևակայություններից՝ մտածելով, որ «նա, ով չի կոչվում Մեսիա, Աստված չէ», և սպասելով, որ Մեսիան հայտնվի իրենց։ Անգամ դատապարտեցին ու հայհոյեցին Տեր Հիսուսի գործը և, ի վերջո, լիովին կորցրին Աստծու փրկարար շնորհքը։ Կան նաև այն հրեա հավատացյալները, որոնք հետևեցին փարիսեցիներին և չճանաչեցին Աստծու ձայնը Տեր Հիսուսի գործում ու խոսքերում, կուրորեն լսեցին քահանայապետներին, դպիրներին ու փարիսեցիներին և մերժեցին Տիրոջ փրկարար շնորհքը։ Այդպիսի մարդիկ դառնում են հիմար կույսեր, որոնք լքվում են Տիրոջ կողմից։ Ոմանք գուցե հարցնեն․ «Ուրեմն ինչպե՞ս կարելի է տարբերակել Աստծու ձայնը»։ Իրականում սա դժվար չէ։ Աստծու արտահայտումն ու խոսքերը պետք է վեր լինեն նրանից, ինչ մարդը երբևէ կարող էր ասել։ Դրանք պետք է հատկապես իշխանությամբ և զորությամբ լի լինեն։ Դրանք կարող են բացահայտել երկնքի թագավորության խորհուրդներն ու մերկացնել մարդու ապականությունը և պարունակում են անձամբ Աստծու կողմից տրված կառավարչական հրամանագրեր ու պատվիրաններ, ինչպես նաև մարդկությանն ուղղված Աստծու խոստումներ և այլն։ Այս բոլոր խոսքերը ճշմարտություններ են, և դրանք բոլորը կարող են դառնալ մարդու կյանքը։ Ցանկացած ոք, ով սիրտ ու հոգի ունի, մի բան կզգա Աստծու խոսքը լսելիս, և նրանց սրտերում հաստատում կլինի առ այն, որ սա Արարիչն է, որը խոսում է և Իր ձայնն ուղղում մեզ՝ մարդկանցս։ Աստծու ոչխարները լսում են Աստծու ձայնը։ Եթե համոզված ենք, որ այս խոսքերն Աստծու ձայնն են, ապա պետք է ընդունենք և հնազանդվենք դրանց, որքան էլ որ դրանք չհամապատասխանեն մեր պատկերացումներին։ Միայն այս կերպ կարող ենք դիմավորել Տիրոջ վերադարձը։

Այսօր ամբողջ աշխարհում միայն Ամենակարող Աստծու Եկեղեցին է բացահայտորեն վկայում, որ Տերն արդեն վերադարձել է, և որ Նա մարմնացած Ամենակարող Աստվածն է։ Ամենակարող Աստված արդեն միլիոնավոր խոսքեր է արտահայտել, և այս խոսքերը հրապարակված են համացանցում, որպեսզի բոլոր երկրների և բոլոր վայրերի մարդիկ փնտրեն ու ուսումնասիրեն դրանք։ Մեկը մյուսի հետևից յուրաքանչյուր ազգի շատ մարդիկ, ովքեր փափագում են ճշմարտությունը, եկել են՝ ձգտելով լսել Աստծու ձայնը և դիմավորել են Տիրոջը։ Ինչպես ասվում է Աստվածաշնչում՝ «Ահա փեսան գալիս է, վե՛ր կացեք նրան ընդառաջ»։ Եթե ավելի շատ կարդանք Ամենակարող Աստծու արտահայտած խոսքերը՝ լսելով զանազանելու, թե արդյոք դրանք Աստծու ձայնն են, ապա կկարողանանք որոշել՝ արդյոք Տերը վերադարձե՞լ է, թե ոչ։ Ինչպես Տեր Հիսուսն ասել է Հովհաննես 10․27-ում․ «Իմ ոչխարներն Իմ ձայնը լսում են, Ես ճանաչում եմ նրանց, և նրանք Իմ հետևից են գալիս»։ Հաստատապես, քանի դեռ ունենք փնտրող խոնարհ սիրտ, կարող ենք ճանաչել Աստծու ձայնը և դիմավորել Տիրոջ վերադարձը։