Այժմ աղետներն ավելի ու ավելի են սաստկանում։ Շատ հավատացյալներ մեծապես հույս ունեն Տիրոջը դիմավորելու, որպեսզի կարողանան խուսափել աղետներից և մտնել երկնքի արքայություն։ Բայց երբ խոսքը վերաբերում է սպասելուն, որ դիմավորեն Տիրոջ վերադարձը, մարդկանց վերաբերմունքները տարբեր են։ Ոմանք հետևում են Տիրոջ ուսմունքներին։ Արթուն են մնում և աղոթում, ակտիվորեն փնտրում ու ուսումնասիրում են և կենտրոնանում փեսայի ձայնը լսելու վրա։ Մյուսները, սակայն, մնում են իրենց եկեղեցիներում՝ սպասելով միայն, որ Տերն իջնի ամպի վրա։ Նրանք այսպես են անում՝ հիմնվելով Տեր Հիսուսի ասածի վրա. «Անմիջապես այդ օրերի արհավիրքներից հետո արևը կխավարի, ու լուսինը չի արձակի իր լույսը, և աստղերը երկնքից ներքև կթափվեն, և երկնքի զորությունները կսասանվեն։ Ապա երկնքում կերևա Մարդու Որդու նշանը։ Եվ այդժամ երկրի բոլոր ցեղերը կողբան և կտեսնեն Մարդու Որդուն, որ գալիս է երկնքի ամպերի վրայով, զորությամբ ու մեծ փառքով» (Մատթեոս 24:29-30)։ Նրանք մտածում են. «Այս մարգարեությունն ասել է Տերն Ինքը։ Մենք սպասում ենք դիմավորելու Տիրոջը՝ ակնկալելով, որ Նա ամպի վրա կիջնի։ Ի՞նչ սխալ կա դրանում»։

Աստվածաշնչի մարգարեությունների հիման վրա Տիրոջը դիմավորելու մեջ ոչ մի սխալ բան չկա, սակայն դժվար է ասել՝ արդյոք Տիրոջ՝ ամպի վրա իջնելուն սպասելն իսկապես համահունչ է Աստծու մտադրությանը, քանի որ Տեր Հիսուսը հիմնականում մարգարեացել է, որ Իր վերադարձը կլինի որպես մարդու Որդի, գաղտնի։ Օրինակ՝ Տեր Հիսուսը մարգարեացել է. «Որովհետև ինչպես կայծակն է ելնում արևելքից և երևում է մինչև արևմուտք, այդպես էլ լինելու է Մարդու Որդու գալուստը» (Մատթեոս 24:27)։ «Մարդու Որդու գալուստը կլինի Նոյի օրերի պես» (Մատթեոս 24:37)։ «Որովհետև Մարդու Որդու երևումը այնքան տեսանելի կլինի, ինչպես որ երբ փայլակը փայլատակում է հորիզոնի մի կողմում, փայլում է նաև մյուս կողմում։ Բայց նա նախ պետք է շատ չարչարվի և մերժվի այս սերնդից» (Ղուկաս 17:24-25)։ Տեր Հիսուսը նաև մարգարեացել է. «Ուստի դուք էլ պատրա՛ստ եղեք, որովհետև Մարդու Որդին կգա այն ժամին, երբ չեք սպասի» (Մատթեոս 24:44)։ «Կեսգիշերին մի ձայն լսվեց. “Ահա փեսան գալիս է, վե՛ր կացեք նրան ընդառաջ”» (Մատթեոս 25:6)։ Այս մարգարեություները նշում են «Մարդու Որդին կգա» կամ «Մարդու Որդու գալուստը»։ «Մարդու Որդի» եզրույթը վերաբերում է մարդուց ծնված Մեկին։ Այլ կերպ ասած՝ Աստված մսեղի կհագնի և կդառնա սովորական, բնականոն մարդ՝ գաղտնի իջնելով մարդկության մեջ՝ խոսելու և գործելու։ Սա լիովին տարբերվում է ամպի վրա հրապարակայնորեն հայտնվելուց։ Եթե այդքան շատ մարգարեություններ կան Տիրոջ՝ որպես մարդու Որդի վերադառնալու մասին, ինչո՞ւ է կրոնական աշխարհը նախընտրում կենտրոնանալ միայն Նրա՝ ամպի վրա իջնելու մասին մարգարեությունների վրա։ Ինչո՞ւ նրանք ականջ չեն դնում մարդու Որդու գալուստի, մարդու Որդու իջնելու մասին մարգարեություններին։ Այս ամենի հետևում շատ ավելին կա, քան առաջին հայացքից է թվում։

Նախ՝ մենք պետք է հասկանանք մեխագույն տարբերությունը Տիրոջ՝ «մարդու Որդին կգա» և «փեսան գալիս է» մարգարեությունների ու ամպի վրա Նրա իջնելու մասին մարգարեության միջև։ Մենք պետք է հստակ տեսնենք, որ այս երկու տեսակի մարգարեությունների ժամանակն ու համատեքստը բոլորովին տարբեր են։ Ո՞րն է մարդու Որդու գալու համատեքստը։ Տեր Հիսուսը մարգարեացել է. «Մարդու Որդու գալուստը կլինի Նոյի օրերի պես» (Մատթեոս 24:37)։ Նոյի օրերում մարդիկ ուտում էին, խմում, ամուսնանում և ամուսնության տալիս։ Մարդու Որդու գալուստի համատեքստը հստակորեն մեծ արհավիրքների ժամանակաշրջանում չէ, այլ մինչև դրանց վրա հասնելն ընկած այն ժամանակաշրջանում, երբ կյանքը բնականոն էր։ Սակայն ամպի վրա իջնելը տեղի կունենա մեծ արհավիրքներից հետո։ Ուստի Տեր Հիսուսը հաճախ ասում էր. «Դուք պետք է արթուն մնաք և պատրաստեք ձեր յուղը՝ Տիրոջը դիմավորելու համար»։ Սա նշանակում է դիմավորել մարմնացած մարդու Որդուն նախքան արհավիրքները։ Նա նաև մարգարեացել է իմաստուն և հիմար կույսերի տարբեր ելքերի մասին։ Նրանք, ովքեր նախքան արհավիրքները դիմավորում են մարմնացած մարդու Որդուն, իմաստուն կույսերն են։ Այս իմաստուն կույսերը մասնակցում են երկնքի արքայության խնջույքին և կարող են Քրիստոսի ատյանի առջև փորձառաբար դատաստան ապրել՝ մաքրագործվելու համար։ Նրանք վերածվում են հաղթողների և մտնում Աստծու արքայություն։ Իսկ կրոնավոր մարդիկ, որոնք համառորեն սպասում են, որ Տերն ամպի վրա իջնի, որպեսզի դիմավորեն Նրան, հիմար կույսերն են։ Ի՞նչ հետևանքներ կլինեն նրանց համար, ովքեր սպասում են Տիրոջ՝ ամպի վրա իջնելը տեսնելուն։ Սա այն արդյունքն է, որում «երկրի բոլոր ազգերը պիտի ողբան նրա համար»։ Սա հստակ նշանակում է, որ նրանք բաց են թողել մարմնացած մարդու Որդուն դիմավորելու հնարավորությունը և դատվում, դատապարտվում ու պատժվում են։ Սա ճիշտ այնպես է, ինչպես Թովմասի դեպքում, որ միայն այն ժամանակ ընդունեց Տեր Հիսուսին որպես Տեր և Քրիստոս, երբ տեսավ Նրա հոգևոր մարմնի հայտնվելը։ Դրա համար նա Տիրոջ կողմից դատապարտվեց։ Ինչպես Տեր Հիսուսն ասաց. «Հավատացիր, որովհետև տեսար ինձ. երանի՜ նրանց, որոնք չեն տեսել, սակայն կհավատան» (Հովհաննես 20:29)։ Սրանից կարող ենք տեսնել, որ նրանց ելքերը, ովքեր Տիրոջը դիմավորում են նախքան արհավիրքները, և նրանցը, ովքեր Նրան դիմավորում են արհավիրքներից հետո, բոլորովին տարբեր են։ Տիրոջ մտադրությունն այն է, որ մարդիկ Նրան դիմավորեն նախքան արհավիրքները և բացարձակապես ոչ այն բանից հետո, երբ մեծ արհավիրքներն ավարտվել են։

Այժմ եկեք խոսենք Տիրոջը նախքան արհավիրքները դիմավորելու կարևորության մասին։ Տեր Հիսուսն ասել է. «Դեռ շատ բաներ ունեմ ձեզ ասելու, բայց այժմ չեք կարող տանել։ Բայց երբ գա նա՝ Ճշմարտության Հոգին, ամենայն ճշմարտությամբ կառաջնորդի ձեզ» (Հովհաննես 16:12-13)։ Հայտնության գիրքը նույնպես մարգարեանում է. «Ահավասիկ ես դռան առաջ եմ և բախում եմ. եթե մեկը ականջ դնի իմ ձայնին և բացի դուռը, կմտնեմ նրա մոտ և կընթրեմ նրա հետ, նա էլ՝ ինձ հետ» (Հայտնություն 3:20)։ «Հաղթողին թույլ կտամ նստել ինձ հետ իմ աթոռին, ինչպես ես հաղթեցի և նստեցի իմ Հոր աթոռին» (Հայտնություն 3:21)։ Այս մարգարեություններից կարող ենք տեսնել, որ նախքան արհավիրքները Տերը կիրականացնի գործի մի փուլ՝ Աստծու տնից սկսվող դատաստանի գործը։ Սա նշանակում է, որ նախքան արհավիրքները Տերը կարտահայտի ճշմարտությունը և կկատարի դատաստանի գործը՝ մի խումբ մարդկանց մաքրագործելու և փրկելու ու նրանց հաղթողներ դարձնելու համար։ Հայտնության մեջ մարգարեացված հաղթողներն, անկասկած, նրանք են, ովքեր կատարյալ են դարձվում նախքան արհավիրքները կամ դրանց ընթացքում։ Նախկինում բոլորս լսել ենք, որ երբ մեծ արհավիրքները սկսվեն, փրկության դուռը կփակվի։ Այսինքն՝ Աստծու փրկության գործն ամբողջությամբ ավարտված կլինի։ Ուրեմն եթե սպասենք, որ Տերն իջնի ամպի վրա, ինչը տեղի կունենա արհավիրքների ավարտին, մի՞թե Աստված դեռ կարող է կատարել փրկության գործը։ Դա անհնար կլիներ։ Ինչպես ասում են Ամենակարող Աստծու խոսքերը. «Բազմաթիվ մարդկանց գուցե չհետաքրքրեն Իմ ասածները, սակայն, այնուամենայնիվ, Ես ցանկանում եմ ասել յուրաքանչյուր այսպես կոչված սրբի, որը հետևում է Հիսուսին, որ երբ ձեր սեփական աչքերով տեսնեք Հիսուսին՝ երկնքից սպիտակ ամպի վրա իջնելիս, դա կլինի Արդարության արևի հրապարակայնորեն հայտնվելու ժամանակը։ Միգուցե դա քեզ համար կլինի մեծ ոգևորության ժամանակ։ Ինչևէ, պետք է իմանաս, որ ժամանակը, երբ դու վկա կլինես երկնքից Հիսուսի իջնելուն, կլինի նաև այն ժամանակը, երբ դու կիջնես դժոխք՝ պատժվելու, այն ժամանակը, երբ Աստծու տնօրինման ծրագրի ավարտը հռչակված կլինի, և երբ Աստված կպարգևատրի բարիներին և կպատժի չարերին։ Քանզի Աստծու դատաստանն ավարտված կլինի, նախքան մարդու՝ նշաններ տեսնելը, երբ կա միայն ճշմարտության արտահայտությունը։ Ովքեր ընդունում են ճշմարտությունը և չեն փնտրում նշաններ, ուստի մաքրագործվել են, կբերվեն Աստծու գահի առջև և կընկնեն Արարչի գիրկը։ Միայն նրանք, ովքեր համառում են՝ հավատալով, թե «այն Հիսուսը, որը սպիտակ ամպի վրա չի գալիս, կեղծ քրիստոս է», կենթարկվեն հավիտենական պատժի, քանի որ նրանք միայն հավատում են այն Հիսուսին, որը նշաններ է կատարում, սակայն չեն ընդունում այն Հիսուսին, որն արտահայտում է խիստ դատաստան և ազատագրում կյանքը ու ճշմարիտ ճանապարհը։ Այսպիսով, կարող է լինել միայն այնպես, որ Հիսուսը նրանց հետ գործ ունենա, երբ բացահայտորեն վերադառնա սպիտակ ամպի վրա» (Խոսքը, հ. 1, Աստծու հայտնվելը և գործը։ Մինչև դու տեսնես Հիսուսի հոգևոր մարմինը, Աստված նորովի ստեղծած կլինի երկինքն ու երկիրը)։ Ամենակարող Աստծու խոսքերը չափազանց հստակ են։ Կարող ենք վստահաբար ասել, որ բոլոր նրանք, ովքեր պնդում են, թե Տիրոջը կդիմավորեն միայն այն ժամանակ, երբ Նա արհավիրքներից հետո ամպի վրա իջնի, կբախվեն պատուհասի, քանի որ կորցրած կլինեն դատաստանն ընդունելու, մաքրագործվելու և փրկվելու հնարավորությունը։ Նրանք կորցրած կլինեն արտահայտված ճշմարտություններն ու ճշմարտության Հոգու կատարած դատաստանի գործն ընդունելու հնարավորությունը։ Նրանք այլևս երբեք Աստծու երեսը տեսնելու հնարավորություն չեն ունենա։

Աղետներն արդեն սկսվել են։ Մարդուն փրկելու Աստծու գործը շուտով կավարտվի, և այնուհետև մենք կմտնենք մեծ արհավիրքների վերջին երեքուկես տարիների մեջ։ Դրանք կլինեն այն մեծ արհավիրքները, որոնք իսպառ կոչնչացնեն մարդկությանը։ Չափազանց վտանգավոր է մինչև այժմ Տիրոջը դիմավորած չլինելը. ցանկացած պահի կարող եք կորցնել ձեր կյանքը։ Անչափ հիմարություն է չփնտրել ու չուսումնասիրել ճշմարիտ ճանապարհը և չընդունել «մարդու Որդու» արտահայտած բոլոր ճշմարտությունները։ Այս մարդիկ, անկասկած, հիմար կույսերն են և կարող են միայն Տիրոջ կողմից լքվել ու դուրս թողնվել։ Կարող ենք ասել, որ այժմ Տիրոջը դիմավորելը ծայրահեղ հրատապ հարց է։ Արդյոք կկարողանաք դիմավորել Տիրոջը նախքան մեծ արհավիրքները, որ կոչնչացնեն մարդկությանը, և ընդունել Աստծու վերջին օրերի դատաստանը՝ մաքրագործվելու համար, ուղղակիորեն կորոշի ձեր վախճանը մեծ արհավիրքների ժամանակ․ կյանք, թե մահ։