Տիրոջ բոլոր հավատացյալները վստահում են Տեր Հիսուսի խոստմանը. «Թե գնում եմ ձեզ համար էլ տեղ պատրաստելու. Եվ եթե գնամ ու ձեզ համար էլ տեղ պատրաստեմ, դարձյալ պիտի գամ և ձեզ վերցնեմ ինձ մոտ, որպեսզի ուր ես լինեմ, դուք ևս այնտեղ լինեք» (Հովհաննես 14:2-3)։ Շատ մարդիկ, հիմնվելով Տիրոջ խոսքերի վրա, սպասում են, որ երբ Տերը գա, իրենք կհափշտակվեն երկնքի արքայություն։ Նրանք հավատում են, որ Տիրոջ խոստումն իզուր չի անցնի, և երբ Նա գա, անպայման մարդկանց անմիջապես երկինք կհափշտակի։ Եթե մարդիկ դեռ երկրի վրա են և չեն հափշտակվել, նրանք կարծում են, որ սա ապացուցում է, որ Տերը դեռ չի վերադարձել։ Արդյո՞ք այս տեսակետը ճիշտ է։

Իր հարությունից և համբարձումից հետո Տեր Հիսուսն իսկապես գնաց մեզ համար տեղ պատրաստելու։ Բայց գիտե՞ք, թե Նա ինչպես պատրաստեց այդ տեղը։ Գիտե՞ք, թե ինչ գործ պետք է կատարվի սա պատրաստելիս։ Կարո՞ղ եք վստահ լինել, որ Տիրոջ պատրաստածն այն բանի համար էր, որ մենք ողջ մտնեինք երկինք։ Թե՞ այն բանի համար էր, որ մահից հետո մտնեինք հոգևոր ոլորտ։ Կրոնական աշխարհում շատ մարդիկ սպասում են Տիրոջ գալուստին, որպեսզի կարողանան հափշտակվել երկնքի արքայություն, բայց արդյո՞ք նրանք մտածել են, թե կոնկրետ որտեղ է երկնքի արքայությունը։ Որտե՞ղ են հափշտակվում նրանք, ովքեր դիմավորել են Տիրոջը։ Ոմանք ասում են՝ իհարկե, նրանք հափշտակվում են օդ՝ Տիրոջը հանդիպելու։ Բայց արդյո՞ք դա իսկապես այդպես է։ Ինչպե՞ս կարող են մարդիկ ապրել երկնքում։ Կարո՞ղ է մսեղավոր մարդն ապրել երկինք հափշտակվելուց հետո։ Մյուսներն ասում են. «Նրանք հափշտակվում են երկինք»։ Ի՞նչ են երկինքն ու հոգևոր աշխարհը։ Դրանք այն վայրերն են, ուր մարդիկ գնում են մահից հետո։ Մեր ֆիզիկական մարմինները չեն կարող ուղղակիորեն մտնել հոգևոր աշխարհ. միայն մահից հետո կարող ենք մտնել հոգևոր աշխարհ։ Տերը մարգարեացավ Իր վերադարձի մասին, որպեսզի մենք Նրան դիմավորենք, քանի դեռ ողջ ենք։ Մահանալն ու հոգևոր ոլորտ վերադառնալը չի կարելի Տիրոջը դիմավորել կոչել։ Ուրեմն մի՞թե հավատալը, որ երկնքի արքայություն մտնել նշանակում է երկինք հափշտակվել, պարզապես մարդու պատկերացում և երևակայություն չէ։ Դա պարզապես անիրատեսական է։ Եթե Տիրոջ մարգարեությունների մեր ըմբռնումը խեղաթյուրված է, ապա Տիրոջ վերադարձին սպասելու մեր ամբողջ ջանքը կարող է ապարդյուն լինել՝ պարզապես իզուր սպասում։

Ուրեմն Տիրոջ՝ մեզ համար պատրաստած տեղը երկնքո՞ւմ է, թե՞ երկրի վրա։ Եկեք տեսնենք, թե Տերունական աղոթքն ինչ է ասում. «Քո արքայությունը թող գա, քո կամքը թող լինի ինչպես երկնքում, այնպես էլ երկրի վրա» (Մատթեոս 6:10)։ Բացի այդ, Հայտնության գիրքը մարգարեանում է. «Եվ տեսա սուրբ քաղաքը՝ նոր Երուսաղեմը, որ իջնում էր Աստծու մոտից և երկնքից, … Ահավասիկ Աստծու տունը, որ մարդկանց մեջ է. նա պիտի բնակվի նրանց հետ, և նրանք պիտի լինեն նրա ժողովուրդը, և նա՝ նրանց Աստվածը» (Հայտնություն 21:2-3)։ «Ամբողջ տիեզերքի թագավորությունը մեր Տիրոջն ու իր Օծյալինը դարձավ, և նա պիտի թագավորի հավիտյանս հավիտենից» (Հայտնություն 11:15)։ Այս մարգարեությունները նշում են. «Ամբողջ տիեզերքի թագավորությունը մեր Տիրոջն ու իր Օծյալինը դարձավ», «սուրբ քաղաքը՝ նոր Երուսաղեմը, որ իջնում էր Աստծու մոտից և երկնքից» և «Աստծու տունը, որ մարդկանց մեջ է»։ Սա վերաբերում է երկրի վրա Քրիստոսի արքայության իրականացմանը։ Աստված կհաստատի Իր արքայությունը երկրի վրա։ Տեր Հիսուսը մեզ խնդրում է աղոթել, որ Աստծու արքայությունը գա երկրի վրա, որպեսզի Նրա կամքը կատարվի երկրի վրա։ Նա երբեք չի ասել, որ Աստծու արքայությունը հաստատվելու է երկնքում, առավել ևս Նա մեզ չի խնդրել հուսալ, որ մի օր օդ կհափշտակվենք։ Բոլո՛րդ, մտածե՛ք սրա մասին. մի՞թե այդպես չէ։ Ուրեմն եթե մենք մշտապես հույս ունենք հափշտակվելու օդ՝ Աստծու արքայություն մտնելու համար, մի՞թե սա չի հակասում Տիրոջ խոսքերին և Նրա մտադրություններին։ Երկրի թագավորությունները կդառնան Աստծու արքայությունը։ Տերը գալիս է վերջին օրերին՝ երկրի վրա Իր գործը կատարելու, ուստի երկնքի արքայությունը երկրի վրա է։ Որտեղ Տերն է, այնտեղ էլ երկնքի արքայությունն է։ Երկնքի արքայությունն ի վերջո կիրականանա երկրի վրա։

Ուրեմն ի՞նչ է նշանակում այն, որ Տերը գնաց մեզ համար տեղ պատրաստելու։ Գլխավորապես Նա երկրի վրա Աստծու ընտրյալ ժողովրդի համար պատրաստեց այն ընտանիքները, որոնցում նրանք պիտի ծնվեին, համապատասխան հանգամանքներ և Տիրոջը դիմավորելու ու խնջույքին մասնակցելու հնարավորություն։ Ուստի այն վայրը, որտեղ ծնվում են Աստծու ընտրյալ մարդիկ, և այն հանգամանքները, որոնցում նրանք ընդունում են Աստծու գործը, բոլորը նախասահմանված են Աստծու կողմից։ Այդ դեպքում ի՞նչ նկատի ուներ Տերը՝ ասելով. «Ուր ես լինեմ, դուք ևս այնտեղ լինեք» Այժմ Աստված դարձել է մարդու Որդի և եկել երկիր։ Ուստի մենք՝ որպես Աստծու ընտրյալ ժողովուրդ, նույնպես ծնվել ենք վերջին օրերում և եկել երկիր՝ ընդունելու Աստծու գործն ու փրկությունը։ Ահա թե ինչ նկատի ուներ Տերը՝ մեզ համար տեղ պատրաստելով։ Տերը վերադարձել է վերջին օրերին, սակայն կրոնական աշխարհում միայն քչերն են լսել Աստծու ձայնը, դարձել դեպի Նա՝ ընդունելով Ամենակարող Աստծուն։ Այս մարդիկ հափշտակվել են։

Այժմ Աստված մսեղի է դարձել որպես մարդու Որդի՝ արտահայտելով ճշմարտությունը՝ դատաստանի գործը կատարելու համար։ Երբ լսում ենք Աստծու ձայնը, դիմավորում Տիրոջը և հափշտակվում Աստծու գահի առջև, սա է իսկապես նշանակում «հափշտակված» լինելը։ Երբ եկեղեցին հափշտակվում է, դա չի նշանակում, որ բոլոր հավատացյալներն են հափշտակվում, այլ ավելի շուտ, որ հափշտակվում են այն իմաստուն կույսերը, որոնք լսում են Աստծու ձայնը և դիմավորում Տիրոջը։ Այսպիսով ի՞նչ գործ է կատարում Աստված մարդկանց հափշտակվելուց հետո։ Դա այն է, ինչ մարգարեանում է Աստվածաշունչը. «Քանի որ ժամանակն է դատաստանն սկսելու Աստծու տնից» (Ա Պետրոս 4:17)։ Դա Ամենակարող Աստված է, որ արտահայտում է ճշմարտությունը՝ դատաստանի գործը կատարելու համար։ Սա իրականացնում է Տեր Հիսուսի մարգարեությունը. «Դեռ շատ բաներ ունեմ ձեզ ասելու, բայց այժմ չեք կարող տանել։ Բայց երբ գա նա՝ Ճշմարտության Հոգին, ամենայն ճշմարտությամբ կառաջնորդի ձեզ» (Հովհաննես 16:12-13)։ Ամենակարող Աստծու կողմից կատարվող վերջին օրերի դատաստանի գործը Քրիստոսի արքայությունը երկրի վրա հաստատելու համար է։ Նախքան մեծ արհավիրքների սկսվելը Աստված հաղթողների մի խումբ կստեղծի։ Հաղթողների այս խումբը կլինի Աստծու արքայության սյուները. նրանք են, ովքեր Քրիստոսի արքայության մեջ Աստծու հետ որպես թագավորներ իշխանություն կունենան։ Նրանք, ովքեր արհավիրքների ընթացքում Աստծու կողմից կատարյալ կդարձվեն, կլինեն Նրա արքայության ժողովուրդը։ Բոլոր նրանք, ովքեր մշտապես հրաժարվում են ընդունել Ամենակարող Աստծու վերջին օրերի գործը, կբացահայտվեն և դուրս կթողնվեն Աստծու կողմից և ոչ մի բաժին չեն ունենա Քրիստոսի արքայության մեջ։ Այսօր Ամենակարող Աստված Չինաստանում արդեն ստեղծել է հաղթողների մի խումբ։ Այս հաղթողներն ամբողջ աշխարհում վկայություն են տալիս Աստծու մասին՝ քարոզելով և տարածելով Աստծու արքայության ավետարանը։ Այժմ վճռորոշ ժամանակն է, երբ Աստված արհավիրքների մեջ կատարյալ է դարձնում Իր ժողովրդին բոլոր ազգերում։ Բոլոր նրանք, ովքեր ընդունում են Աստծու վերջին օրերի գործը, հետևել են Գառան հետքերին և հափշտակվել Աստծու առջև։ Աստծու ընտրյալ ժողովուրդն ուտում և խմում է Նրա խոսքերը, փորձառաբար ապրել է Նրա դատաստանն ու հանդիմանությունը, և նրանց ապականված խառնվածքները մաքրագործվել ու փոխվել են։ Նրանք բոլորը ճշմարիտ վկայություն են տվել։ Աստված արդեն ձեռք է բերել հաղթողների մի խումբ։ Երբ Աստծու գործն ավարտվի, և վերջին երեքուկես տարիների մեծ արհավիրքները ժամանեն, Սատանային պատկանող այս թագավորությունը ամբողջովին կոչնչացվի մեծ աղմուկով։ Աստծուն դիմադրող բոլոր չար ուժերը նույնպես կոչնչացվեն, և այդ ժամանակ Քրիստոսի արքայությունը լիովին կիրականանա երկրի վրա։ Այդ ժամանակ նրանք, ովքեր փրկվել են, Աստծու հետ կմտնեն արքայություն և միասին կվայելեն հանգիստը։ Սա կիրականացնի Ամենակարող Աստծու խոսքերը. «Մինչ Իմ խոսքերն ավարտուն են դառնում, թագավորությունն աստիճանաբար ձևավորվում է երկրի վրա, և մարդն աստիճանաբար վերադարձվում է բնականոնության, և այսպիսով երկրի վրա հաստատվում է Իմ սրտի թագավորությունը։ Թագավորությունում Աստծու ողջ ժողովուրդը վերականգնում է բնականոն մարդու կյանքը։ Անցել է ցրտաշունչ ձմեռը, որին փոխարինել է գարնան քաղաքների մի աշխարհ, որտեղ գարունը տևում է ամբողջ տարին։ Մարդն այլևս չի բախվում մարդկային աշխարհի մռայլությանը և այլևս չի դիմանում մարդկային աշխարհի ցրտին։ Մարդիկ չեն կռվում միմյանց հետ, երկրները չեն պատերազմում միմյանց դեմ, այլևս չկա կոտորած և արյուն, որը հոսում է կոտորածից. բոլոր հողերը լցված են ուրախությամբ, և ամենուր հորդում է մարդկանց միջավայրում եղած ջերմությունը։ Քայլում եմ ողջ աշխարհով մեկ, վայելում եմ Իմ գահի բարձունքից և ապրում եմ աստղերի մեջ։ Հրեշտակներն Ինձ նոր երգեր ու նոր պարեր են մատուցում։ Այլևս նրանց սեփական փխրունության պատճառով արցունքներ չեն հոսում իրենց դեմքերով։ Այլևս Ես չեմ լսում հրեշտակների լացի ձայնն Իմ առաջ, և այլևս ոչ ոք իր վիշտը չի վստահում Ինձ։ Այսօր բոլորդ ապրում եք Իմ առաջ. վաղը բոլորդ գոյություն կունենաք Իմ թագավորությունում։ Մի՞թե սա մեծագույն օրհնությունը չէ, որ շնորհում եմ մարդուն» (Խոսքը, հ. 1, Աստծու հայտնվելը և գործը։ Աստծու խոսքերը՝ ողջ տիեզերքին, Գլուխ 20)։