Խմբագրի կողմից. Վերջին տարիներին «արյունոտ լուսին» երկնային երևույթը հաճախակի է հայտնվում։ Տարբեր աղետներ, ինչպիսիք են համաճարակները, երկրաշարժերն ու սովը, գնալով ավելի ու ավելի են սաստկանում։ Վերջին օրերի մասին Աստվածաշնչի մարգարեությունները մեծ մասամբ կատարվել են։ Մեծ արհավիրքներն այժմ մեզ վրա են, ուստի ինչպե՞ս պետք է դիմավորենք Տիրոջ վերադարձը։ Այս հոդվածն ունի պատասխանը։

2026 թվականի մարտի 3-ին երկնքում հազվագյուտ «արյունոտ լուսին» հայտնվեց: Ամբողջ իրադարձությունը տևեց մոտավորապես հինգ ժամ, որից մոտ մեկ ժամը ամբողջական փուլն էր, որի ընթացքում լուսինը մուգ կարմիր տեսք ուներ։ Այս հազվագյուտ արյունոտ լուսինը աշխարհի շատ մասերում էր տեսանելի։

Վերջին տարիներին արյունոտ լուսինները բազմիցս հայտնվել են՝ կարծես անընդհատ նախազգուշացնելով աշխարհին։

2014 թվականի ապրիլի 15-ին ցնցող կերպով հայտնվեց արյունոտ լուսինների քառյակի առաջինը՝ երկինքը ներկելով արնակարմիր գույնով։

2014 թվականի հոկտեմբերի 8-ին հայտնվեց երկրորդ արյունոտ լուսինը, և տագնապի զանգերը շարունակեցին հնչել։

2015 թվականի ապրիլի 4-ին դրան հաջորդեց երրորդ արյունոտ լուսինը, և անսովոր տեսարանները հաճախակի դարձան։

2015 թվականի սեպտեմբերի 27-28-ին չորրորդ արյունոտ լուսինը համընկավ գերլուսնի հետ։

2018 թվականի հունվարի 31-ին երկնքում հայտնվեց հազվագյուտ «գերկապույտ արյունոտ լուսնի» եռյակը։

2019 թվականի հունվարի 21-ին «գերարյունոտ գայլի լուսինը» ցնցեց գիշերային երկինքը, կարմիր լուսինն ուղեկցվում էր «գայլի լուսնով». ևս մեկ հազվագյուտ երկնային երևույթ։

2021 թվականի մայիսի 26-ին արյունոտ լուսինը կրկին համընկավ գերլուսնի հետ։

2022 թվականի մայիսի 16-ին արևելքում ծագեց «ծաղկային արյունոտ լուսինը», և մարդիկ կրկին ականատես եղան, թե ինչպես է լուսինն արյան գույն դառնում։

2025 թվականի մարտի 13-14-ին հայտնվեց ևս մեկ արյունոտ լուսին. լիալուսինը, որը հայտնի է որպես «որդնային լուսին», արնակարմիր դարձավ։

2025 թվականի սեպտեմբերի 7-8-ին 82 րոպե տևողությամբ հազվագյուտ արյունոտ լուսին հայտնվեց։

Արդյոք այս կրկնվող արյունոտ լուսիններն իսկապես պարզապես աստղագիտական երևույթնե՞ր են։ Թե՞ դրանք մեզ հիշեցնում են, որ մեծ արհավիրքները գնալով ավելի ու ավելի են մոտենում։

Շատ մարգարեներ հավատում են, որ արյունոտ լուսինների հայտնվելը նշանակում է, որ արտասովոր և մեծ իրադարձություններ են գալու։ Կան նաև Աստվածաշնչի շատ փորձագետներ, որոնք հաստատապես հավատում են, որ արյունոտ լուսինների հայտնվելը Հովել մարգարեի գրքի 2:29-31-րդ խոսքերի մարգարեության կատարումն է. «Իմ ծառաների վրա և իմ աղախինների վրա այն օրերին իմ Հոգուց կհեղեմ, և կմարգարեանան։ Նշաններ ցույց կտամ վերևում՝ երկնքում, և նշաններ ներքևում՝ երկրի վրա. արյուն, հուր և ծխե մրրիկ։ Եհովայի մեծ և ահռելի օրվա գալուստից առաջ արևը խավար կդառնա, իսկ լուսինը՝ արյուն»։ Նաև Հայտնություն 6:12-ում ասվում է. «Եվ տեսա, որ երբ բացեց վեցերորդ կնիքը, մեծ երկրաշարժ եղավ, արեգակը դարձավ այծի մազից հյուսված կարպետի պես սև, իսկ լուսինն ամբողջովին արյան պես դարձավ»։ Մարգարեության մեջ հիշատակված «մեծ ու փառավոր օրը» վերաբերում է մեծ արհավիրքներին։ Բոլորս տեսել ենք, որ վերջին մի քանի տարիների ընթացքում աղետների մասշտաբները մեծանում են, հաճախակի են տեղի ունենում այնպիսի աղետներ, ինչպիսիք են երկրաշարժերը, սովը, համաճարակներն ու ջրհեղեղները, որոնք իսկապես սարսափելի են. Աշխարհի իրավիճակը խառնաշփոթի մեջ է և անընդհատ փոխվում է, և հաճախակի են բռնկվում պատերազմներ, բռնի միջադեպեր և ահաբեկչական հարձակումներ, որոնք շարունակում են սրվել. համաշխարհային կլիման տաքանում է, և ծայրահեղ եղանակ ու տարբեր աստղագիտական հրաշքներ հաճախակի են դիտվում։ Աստվածաշնչում մարգարեացված վերջին օրերի նշանները մեկը մյուսի հետևից հայտնվել են։ Արյունոտ լուսինների հաճախակի հայտնվելը ոչ թե տեսարան է, այլ վերջին օրերի նախազգուշացում։

Քանի որ մեծ արհավիրքները եկել են, ինչպե՞ս պետք է դիմավորենք Տիրոջը և ձեռք բերենք Նրա փրկությունը։ Տեր Հիսուսն ասել է. «իմ ոչխարներն իմ ձայնը լսում են, ես ճանաչում եմ նրանց, և նրանք իմ հետևից են գալիս» (Հովհաննես 10:27)։ «Դեռ շատ բաներ ունեմ ձեզ ասելու, բայց այժմ չեք կարող տանել։ Բայց երբ գա նա՝ Ճշմարտության Հոգին, ամենայն ճշմարտությամբ կառաջնորդի ձեզ, որովհետև ոչ թե ինքն իրենից կխոսի, այլ ինչ լսի, այն էլ պիտի խոսի, և գալիք բաների մասին կպատմի ձեզ» (Հովհաննես 16:12-13)։ Հայտնության 2 և 3-րդ գլուխներում շատ տեղերում մարգարեացված է. «Ով ականջ ունի լսելու, թող լսի, ինչ որ Հոգին ասում է եկեղեցիներին»։ Այս մարգարեություններից կարող ենք տեսնել, որ Աստված վերջին օրերին խոսքեր կասի՝ մարդկանց ողջ ճշմարտության մեջ ուղղորդելու՝ գործի նոր փուլ կատարելով՝ նրանց մաքրագործելու և փրկելու և Աստծու թագավորությունը բերելու համար։ Միայն Աստծու ձայնը լսելով և Աստծու հայտնվելը տենչալով կարող ենք դիմավորել Տեր Հիսուսի վերադարձը, հնարավորություն ունենալ Աստծու կողմից փրկվելու և կատարելագործվելու և Նրա հետ գեղեցիկ նշանակության վայր մտնելու։ Հակառակ դեպքում, երբ բաց թողնենք Տիրոջ վերադարձը, կկորցնենք Աստծու փրկարար շնորհը, կընկնենք վերջին օրերի մեծ արհավիրքների մեջ և դուրս կթողնվենք ու կպատժվենք։ Ահա թե ինչ է Աստված ասում դրա մասին.

Ամեն տեսակ աղետներ վրա կհասնեն մեկը մյուսի հետևից․ բոլոր երկրներն ու վայրերը կբախվեն աղետների․ ամենուր կլինեն ժանտախտ, սով, ջրհեղեղ, երաշտ և երկրաշարժեր։ Այս աղետները չեն սահմանափակվի մեկ կամ երկու վայրով և չեն ավարտվի մեկ-երկու օրում, ընդհակառակը, դրանք կտարածվեն ավելի ու ավելի մեծ տարածքներով և կդառնան առավել ծանր։ Այս ընթացքում մեկը մյուսի հետևից կհայտնվեն ամեն տեսակ միջատների համաճարակներ, և «մարդակերություն» երևույթը կտարածվի ամենուր։ Սա է Իմ դատաստանը բազում ազգերի և ժողովուրդների համար:

Խոսքը, հ. 1, Աստծու հայտնվելը և գործը։ Քրիստոսի արտահայտությունները սկզբում, Գլուխ 65

Աշխարհի անծայրածիր տարածության մեջ անհաշիվ անգամ օվկիանները տիղմով լցվելով դարձել են դաշտեր, իսկ դաշտերը հեղեղվելով՝ օվկիաններ։ Բացի Նրանից, ով գերիշխանություն ունի բոլոր բաների մեջ ամեն ինչի վրա, չկա մեկը, որ կարող է առաջնորդել և ուղղորդել այս մարդկությանը։ Չկա «հզոր մեկը», որ տքնի կամ պատրաստություններ տեսնի այս մարդկության համար, առավել ևս, չկա մեկը, որ կարող է այս մարդկությանը առաջնորդել դեպի լուսավոր հանգրվան և ազատել մարդկային աշխարհի անարդարություններից։ Աստված ողբում է մարդկության ապագայի համար, Նա վշտանում է մարդկության անկման պատճառով և ցավ է ապրում, որ մարդկությունը քայլ առ քայլ գնում է դեպի քայքայում և անվերադարձ ճանապարհ։ Ոչ ոք երբևէ չի խորհել այս մասին. ո՞ւր է գնում այսպիսի մարդկությունը, որը խորապես կոտրել է Աստծու սիրտը և լքել Նրան՝ չարին որոնելու համար։ Հենց այս պատճառով է, որ ոչ ոք չի փորձում զգալ Աստծու բարկությունը, ոչ ոք չի փնտրում այն ուղին, որը հաճելի է Աստծուն և ոչ ոք չի փորձում մոտենալ Նրան, և, առավել ևս, որ ոչ ոք չի փորձում ապրումակցել Աստծու վշտին ու ցավին։ Նույնիսկ Աստծու ձայնը լսելուց հետո մարդը շարունակում է գնալ իր սեփական ճանապարհով, շարունակում է երես թեքել Աստծուց՝ խուսափելով Աստծու շնորհքից ու հոգածությունից և խուսանավելով Նրա ճշմարտությունից՝ նախընտրելով իրեն վաճառել Սատանային՝ Աստծու թշնամուն։ Եվ ո՞վ է երբևէ մտածել այս մասին, որ եթե մարդը շարունակի համառել, ինչպե՞ս կվարվի Աստված այս մարդկության հետ, որն այսպես բացարձակ անտեսում է Նրան։ Ոչ ոք չգիտի, որ Աստծու՝ մարդուն ուղղված կրկնվող հիշեցումների և հորդորների պատճառն այն է, որ Նա արդեն Իր ձեռքերում պատրաստել է մինչ այժմ չտեսնված արհավիրքներ՝ այնպիսիք, որոնք անտանելի կլինեն մարդու մսեղիի և հոգու համար՝ ոչ միայն մսեղիի պատիժ, այլև ուղղված մարդու հոգուն։ Դու պիտի իմանաս սա․ ինչպիսի՞ բարկություն կթափի Աստված, երբ Նրա ծրագիրը ի դերև ելնի, և երբ Նրա հիշեցումներն ու հորդորներն անպատասխան մնան։ Դա կլինի մի բան, որի նմանը երբևէ ոչ մի արարած փորձառաբար չի ապրել ու չի իմացել։ Ուստի, ասում եմ՝ այս արհավիրքներն աննախադեպ են և երբեք չեն կրկնվի։ Քանզի Աստծու ծրագիրն է միայն մեկ անգամ ստեղծել մարդկություն և միայն մեկ անգամ փրկել այն։ Սա առաջին անգամն է ու նաև՝ վերջինը։ Ուստի, ոչ ոք չի կարող խորապես ըմբռնել Աստծու՝ այս անգամ մարդկությանը փրկելու հոգատար մտադրություններն ու բուռն ակնկալիքը։

Խոսքը, հ. 1, Աստծու հայտնվելը և գործը։ Աստված է մարդու կյանքի աղբյուրը

Աստծու գործը առաջ է սլանում հզոր ալիքի պես։ Ոչ ոք չի կարող ետ պահել Նրան, և ոչ ոք չի կարող կասեցնել Նրա ընթացքը։ Միայն նրանք, ովքեր ուշադիր լսում են Նրա խոսքերը, և ովքեր փնտրում ու ծարավ են Նրան, կարող են հետևել Նրա հետքերին և ստանալ Նրա խոստումը։ Նրանք, ովքեր չեն անում դա, կենթարկվեն անհաղթահարելի աղետի և արժանի պատժի։

Խոսքը, հ. 1, Աստծու հայտնվելը և գործը։ Հավելված 2: Աստված իշխանություն ունի ողջ մարդկության ճակատագրի նկատմամբ